Dorpsraad Ell

Beginnerscursus dialect

Ónger de vlag van: “Veldeke Krink Remunj”

ein “West-Maas” activiteit

Beginnerscursus, väör ’t tego sjrieve van oos sjoeën dialect.

 

  • Ónger de vlag van  “VELDEKE” krink Remuunj  zeen wae begós óm aan de westzie vanne Maas get mieër aandacht te gaeve aan ’t gebroek van oos dialect.
  • Dao höbbe zich ruum 50 echte leefhöbbers gemeldj en die angere kome naog.
  • Wae höbbe ein sjoeën bie-einkomst gehadj en gemerktj det d’r belangsjtèlling zaat is.
  • Wae zeen oos activiteite gesjtartj mèt eine opfriscursus woeë 14 deilnemers aan mètgedaon höbbe.
  • Wae sjloete ’t winterseizoen aaf mèt ’t gaeve van eine beginnerscursus.
  • Wae vraoge daoväör deilnemers die op veer lesaovendje van 20.00 toet  ±  22.15  ore mèt wille doon aan deze cursus. Dae wäördj gegaeve in Naer, op dinsdigaovendj  19 en 26 april en 3 en 10 mei a.s. in cafe Maneslust bie Mieke in Naer  593231.
  • Maakt neet oet welk Limburgs dialect gae sjpraektj  gae lieërtj eur eige dialect  sjrieve volges de regels die daoväör gesjèltj zeen.
  • Dao is plaats väör  20 deilnemers, väör miense die dialect sjpraeke en ’t tego wille sjrieve.
  • Opgaeve väör 14 april a.s. via mailadres bie : sjaakdriessen@hetnet.nl ,gaef volledig adres, Email-adres  en telefoonnr. door.
  • De koste van deze cursus zeen väör lede van Veldeke € 22,50  väör neetlede € 32.50. Dit is inclusief alle lesmateriaal en ein consumptie per lesaovendj te vóldoon oppe ieërste lesaovendj of via bankraekening  1312 28 897 t.n.v. Veldeke Roermond.
  • Deilnemers die zich opgaeve as lid van Veldeke, jaorcontributie is € 25,00,
  • betale € 22.50 väör de cursus. (Evt. contributie + lesgeldj apaart äövermake.)
  • Zeen d’r mieër as 20 opgaves den  wäöre die oppe wachtliest gezatte en kome ze op ’t endj van ’t jaor ane bäört.
  • Dit is de lèste activiteit van de “Westmaas – groep”.  In september/octoeëber kome wae weer bie uch truuk mèt ideeë, vraoge en planne.